ਇੱਕ ਦੋਸਤ ਨੂੰ ਜਨਮ ਦਿਨ ਮੁਬਾਰਕ ...
ਜ਼ਿੰਦਗੀ ਦਾ ਨਵਾਂ ਸਾਲ
ਕਿਸੇ ਲਈ ਸ਼ੁਕਰਾਨਾ
ਸੱਥਰੀ ਸਾਂਤੀ 'ਚ ਲੰਘ ਗਏ ਸਾਲ ਦਾ
ਕਿਸੇ ਲਈ ਝੋਰਾ
ਇੱਕ ਸਾਲ ਹੋਰ ਪੁਰਾਣੇ ਹੋਣ ਦਾ
ਕਿਸੇ ਲਈ ਡਰ
ਨਵੇਂ ਆਉਣ ਵਾਲ਼ੇ ਦਿਨਾਂ ਦਾ
ਕਿਸੇ ਲਈ ਧੱਕਾ
ਇੱਕ ਹੋਰ ਆਪਣੀ ਕਬਰ ਵੱਲ
ਪਰ ਤਹਾਡੇ ਲਈ ਹੋਵੇ
ਪੂਰੇ ਚੰਨ ਦੀਆਂ ਰਾਤਾਂ ਦਾ
ਇੱਕ ਅਟੁੱਟ ਸਿਲਸਿਲਾ
ਪੋਹ ਦੇ ਦਿਨੀਂ
ਗਹਿਰੀ ਧੁੰਦ ਛੱਟਣ ਤੋਂ ਬਾਅਦ
ਸੂਰਜ ਦੇ ਨਿਕਲਣ ਜਿਹਾ ਅਹਿਸਾਸ
ਬਾਰਿਸ਼ ਤੋਂ ਬਾਅਦ
ਦੁਮੇਲ ਤੇ ਛਾਈ
ਸਤਰੰਗੀ ਪੀਂਘ ਜਿਹਾ ਨਜ਼ਾਰਾ
ਜਾਂ ਫਿਰ
ਲੰਮੀ ਯਾਤਰਾ ਤੋਂ ਬਾਅਦ
ਮੰਜ਼ਿਲ ਤੇ ਪਹੁੰਚਣ ਜਿਹਾ ਸਕੂਨ
ਲੈ ਕੇ ਆਵੇ
ਚੁਣੌਤੀਆਂ ਦੇ ਖੂਬਸੂਰਤ ਪਹਾੜ
ਜਵਾਰਭਾਟੇ ਦੇ ਦਿਨਾਂ ਜਿਹੀ
ਸਮੁੰਦਰ ਦੀ ਚੰਚਲਤਾ
ਤੇ ਪਹਾੜਾਂ ਨੂੰ ਸਰ ਕਰਨ ਦਾ
ਸਮੁੰਦਰਾਂ 'ਚ ਠਿੱਲ ਪੈਣ ਦਾ
ਸਾਹਸ,
ਇਸ਼ਕ,
ਜਨੂੰਨ.....
No comments:
Post a Comment