Saturday, December 26, 2009

ਉਹੀ ਰੁੱਖ
ਸਿਰਫ਼ ਉਹੀ ਰੁੱਖ
ਜੋ
ਪਤਝੜਾਂ ਵਿੱਚ
ਸਾਰੇ ਪੱਤੇ ਖੋ ਬਹਿੰਦੇ ਹਨ
ਰੁੰਡ ਮੁਰੰਡ ਹੋ ਜਾਂਦੇ ਹਨ
ਠੰਢੀਆਂ ਸਿਆਲੀ ਰਾਤਾਂ ਵਿੱਚ
ਨੰਗੇ ਤਨ
ਛਾਤੀ ਤਾਣ
ਖਲਾਉਂਦੇ ਹਨ
ਉਹੀ ਰੁੱਖ
ਸਿਰਫ਼ ਉਹੀ ਰੁੱਖ
ਭਰਦੇ ਹਨ
ਜੋਬਨ ਦੇ ਗੁਲਾਬੀ ਰੰਗ
ਬਹਾਰਾਂ ਵਿੱਚ...

--------o--------

ਪੱਥਰਾਂ ਦੇ ਪਹਾੜ
ਮੱਥੇ ਰਗੜਿਆਂ
ਸਿਰ ਮਾਰਿਆਂ
ਨਹੀਂ ਭੁਰਦੇ ਹੁੰਦੇ
ਪਾਉਣੀ ਜੇ
ਮੰਜ਼ਿਲ ਦੀ ਸ਼ੀਰੀ
ਫਰਹਾਦ ਤੋਂ ਸਿੱਖੋ
ਤੇਸੇ ਚੁੱਕੋ...

Wednesday, December 9, 2009

आज़ादी

यूं क्यों घेर रखा है
ओ आसमान
तू ने धरती को
धरती को आज़ादी चाहिए
जैसे
लेखकों,
कलाकारों, पत्तरकारों को
आज़ादी चाहिए
समाज से,
लोगों से,
वर्गों से....

Friday, December 4, 2009


ਕਦੋਂ ਤੱਕ ... ?



ਕਦੋਂ ਤੱਕ ਸੁਕਰਾਤ ਪਿਆਲੇ ਜ਼ਹਿਰ ਦੇ ਨੂੰ ਡੀਕੇਗਾ |
ਕਦੋਂ ਤੱਕ ਇਨਸਾਫ਼ ਲਈ ਉਹ ਸੜਕਾਂ ਤੇ ਚੀਕੇਗਾ |

ਰਹਿਣੀ ਕੋਠਿਆਂ 'ਤੇ ਵਿਕਦੀ ਮਨੁੱਖਤਾ ਕਦੋਂ ਤੱਕ ,
ਕਦੋਂ ਤੱਕ ਸਮਝ ਬਿਗਾਨੀ ਬੰਦਾ ਜ਼ਿੰਦਗੀ ਘਸੀਟੇਗਾ |

ਪੈਣਾ ਸੋਹਣੀਆਂ ਨੂੰ ਤਰਨਾ ਕੱਚਿਆਂ 'ਤੇ ਕਦੋਂ ਤੱਕ ,
ਕਦੋਂ ਤੱਕ ਝਨਾਂ ਪਾਰ ਮਹੀਵਾਲ ਯਾਰ ਨੂੰ ਉਡੀਕੇਗਾ |

ਰਹਿਣਾ ਰੰਗ ਘੁਲਦਾ ਹਵਾ ਦੇ ਵਿੱਚ ਖਾਕੀ ਕਦੋਂ ਤੱਕ ,
ਕਦੋਂ ਤੱਕ ਧਰਤੀ ਦੀ ਖੰਜਰ ਇਹ ਛਾਤੀ ਝਰੀਟੇਗਾ |

ਚੰਨ ਤਾਰਿਆਂ ਦੇ ਉੱਤੇ ਅੱਗ ਬਰਸੇਗੀ ਕਦੋਂ ਤੱਕ ,
ਕਦੋਂ ਤੱਕ ਤੋਪਾਂ 'ਚ ਲੁਕ ਨ੍ਹੇਰਾ ਸਾਜਿਸ਼ਾਂ ਉਲੀਕੇਗਾ |