ਘਰ ਤੇ ਦੁਨੀਆਂ

ਉਹਨਾਂ ਨੇ ਕਿਹਾ

ਪਹਿਲਾਂ ਘਰ ਬਣਾ ਲੈ

ਮੈਂ ਕਿਹਾ

ਪਹਿਲਾਂ ਘਰ ਬਣਾਉਣ ਲਾਇਕ

ਦੁਨੀਆਂ ਬਣਾ ਲਈਏ

ਉਹ ਦੁਨੀਆਂ ਨੂੰ ਭੁੱਲ

ਘਰ ਬਣਾਉਣ ਲੱਗੇ

ਤੇ ਮੈਂ

ਦੁਨੀਆਂ ਬਣਾਉਣ ਲਈ

ਘਰ ਨੂੰ ਛੱਡ ਆਇਆ

ਹੁਣ ਉਹਨਾਂ ਦੀ ਦੁਨੀਆਂ

ਘਰ ਹੈ

ਮੇਰਾ ਘਰ 

ਪੂਰੀ ਦੁਨੀਆਂ....

ਗਜ਼ਲ

ਬਿਨ ਤੇਰੇ ਹੋਗੀ ਜ਼ਿੰਦਗੀ ਇੱਦਾਂ |

ਇੱਕ ਰਾਤ ਏ ਤਾਰਿਉਂ ਸੱਖਣੀ ਜਿੱਦਾਂ |

ਪਲ ਵਿਛੜਨ ਦੇ ਇਉਂ ਤੈਰਨ ਯਾਦੀਂ,

ਵਿੱਚ ਪਰੀ ਕਹਾਣੀ ਜਿਉਂ ਹੋਵਣ ਗਿਰਝਾਂ |

ਤਾਹੀਉਂ ਸਾਥੋਂ ਹੋਏ ਨਾ ਵਾਅਦੇ,

ਪਤਾ ਸੀ ਦੋਵਾਂ ਪੁਗਾਉਣੀਆਂ ਜ਼ਿੱਦਾਂ |

ਉਹ ਲੋਚੇ ਚੰਨ, ਚੰਨ ਸੂਰਜ ਲੱਭੇ,

ਫਿਰ ਮਿਲਦੀ ਗੀਤ ਨੂੰ ਕਵਿਤਾ ਕਿੱਦਾਂ |

ਰਾਖ 'ਚ ਢਾਲੀ ਹਰਫਾਂ ਦੀ ਵੱਲੀ,

ਦਿਲ 'ਤੇ ਡਿੱਗਦੇ ਯਾਦਾਂ ਦਿਆਂ ਮਿੱਗਾਂ |

ਦਿਲਾਂ ਦਾ ਬੋਲਾ ਕੀਤਾ ਹਰ ਕੋਨਾ,

ਸ਼ੰਖਾਂ, ਭਾਈਆਂ, ਇਲਮਾਂ, ਸਿੱਧਾਂ|

ਅੰਦਰ ਮੇਰੇ ਤਾਂ ਘਾਹ ਦਾ ਜੰਗਲ,

ਦੂਰੋਂ ਲੱਗਦੈ! ਕਿ ਤਿੜਾਂ ਨੂੰ ਮਿੱਧਾਂ|