ਕਾਮਰੇਡ ਦੀ 'ਪ੍ਰੋਲੇਤਾਰੀ ਤਾਨਾਸ਼ਾਹੀ'
ਦਫ਼ਤਰ ਤੋਂ ਥੱਕ ਹਾਰ ਕੇ
ਘਰ ਸੀ ਹਾਲੇ ਪੈਰ ਹੀ ਪਾਇਆ
ਬੈੱਡ ਰੂਮ 'ਚੋਂ ਘਰਵਾਲੀ ਦਾ
ਏਨੇ ਨੂੰ ਸੁਨੇਹਾ ਆਇਆ
ਕਾਮਰੇਡ ਨੇ ਮੱਥੇ ਹੱਥ ਮਾਰਕੇ
ਫੇਰ ਰੱਬ ਨੂੰ ਸੀ ਧਿਆਇਆ
ਦਰਬਾਰ ਅੰਦਰ ਅਗਲੇ ਹੀ ਪਲ
ਜਾ ਕੇ ਉਸਨੇ ਸੀਸ ਨਿਵਾਇਆ
ਘਰਵਾਲੀ ਅੱਗੋਂ ਪਾਏ ਦੁਹਾਈ
"ਤੈਨੂੰ ਨਾ ਕੁਝ ਦੇਵੇ ਸੁਣਾਈ
ਨਾ ਕਦੇ ਅਕਲ ਹੀ ਆਈ
ਪਿੰਕੀ ਆਪਣੀ ਬੁਆਏ ਫਰੈਂਡ ਨਾਲ
ਅੱਜ ਕਾਲਿਜ ਗਈ ਘੁੰਮਦੀ ਪਾਈ
ਹੁਣ ਦੋ ਕੁ ਧਰ ਕੇ ਉਹਦੇ
ਚੁਬਾਰੇ ਕੁੰਡੀ ਲਾ ਬਿਠਾਈ"
ਇੰਨਾ ਸੁਣ ਕਾਮਰੇਡ ਦਾ ਖੂਨ ਖੌਲਿਆ
ਜੋ ਖੌਲਦਾ ਰਿਹਾ
ਜਦੋਂ ਤੱਕ ਸੱਤ ਨਾ ਵੱਜੇ
ਫਿਰ 'ਟੀਚਰਜ਼' ਦੀ ਉਸਨੇ ਬੋਤਲ ਕੱਢੀ
ਹਵਾ 'ਚ ਇੱਕ ਫੋਕੀ ਬੜਕ ਛੱਡੀ
"ਬਈ ਸਲਾਦ ਲਿਆਉ
ਨਾਲੇ ਪਿੰਕੀ ਨੂੰ ਥੱਲੇ ਬੁਲਾਉ
ਇਹਨਾਂ ਨੂੰ ਵੀ ਲੱਗੇ ਪਤਾ
ਪ੍ਰੋਲੇਤਾਰੀ ਦੀ ਤਾਨਾਸ਼ਾਹੀ ਕੀ ਹੁੰਦੀ ਹੈ !!"
No comments:
Post a Comment