ਕਾਮਰੇਡ ਦੀ ਆਖਰੀ ਇੱਛਾ
ਦੇਸ਼ ਦਾ ਮਸ਼ਹੂਰ ਕਾਮਰੇਡ
ਕਈ ਕਿਸਾਨ ਸੰਘਰਸ਼ਾਂ ਦਾ ਨੇਤਾ
ਕਈ ਟੀਚਰ ਯੂਨੀਅਨਾਂ ਮੁਲਾਜ਼ਮ ਜੱਥੇਬੰਦੀਆਂ ਦਾ ਸੰਸਥਾਪਕ
ਕਈ ਰਾਜਨੀਤਕ ਮੋਰਚਿਆਂ ਦਾ 'ਕਿੰਗ-ਮੇਕਰ'
ਮਜ਼ਦੂਰ ਜਮਾਤ ਦਾ ਪਾਰਲੀਮੈਂਟਰੀ ਰਾਜ ਚਲਾਉਣ ਵਾਲ਼ਾ
ਤੇ ਹੋਰ ਵੀ ਕਈ ਕਈ ਕੁਝ
ਹੁਣ ਢਿੱਲਾ ਸੀ
ਦਾਖਲ ਸੀ
ਰਾਜਧਾਨੀ ਦੇ ਵੱਡੇ ਹਸਪਤਾਲ ਦੇ ਆਈ ਸੀ ਯੂ ਵਿੱਚ
ਹਿਟਲਰ ਦੇ ਸਕੇ ਵੀ ਪਤਾ ਲੈਣ ਆਏ
ਤੇ ਕਈ ਸ਼ੁਭਚਿੰਤਕ ਵੀ
ਇੱਕ ਸ਼ੁਭਚਿੰਤਕ ਨੇ ਪੁਛਿਆ
"ਕਾਮਰੇਡ ! ਕੋਈ ਆਖਰੀ ਇੱਛਾ ! "
ਕਾਮਰੇਡ ਆਖਰੀ ਵਾਰ ਮਿਆਂਕਿਆ
"ਬਹੁਤ ਸਮਾਂ ਪਹਿਲਾਂ
ਇੱਕ ਦੋਸਤ ਨੇ ਕਿਹਾ ਸੀ
ਕਮਿਊਨਿਸਟ ਮੈਨੀਫੈਸਟੋ ਪੜੀਂ ਕਦੇ
ਮਾਰਕਸ ਏਂਗਲਜ਼ ਦਾ ਲਿਖਿਆ
ਜੇ ਕਿਤੋਂ ਲੱਭਦਾ ਤਾਂ ਲਿਆ ਦਿਓ ....."
No comments:
Post a Comment