ਕਦੋਂ ਤੱਕ ... ?
ਕਦੋਂ ਤੱਕ ਸੁਕਰਾਤ ਪਿਆਲੇ ਜ਼ਹਿਰ ਦੇ ਨੂੰ ਡੀਕੇਗਾ |
ਕਦੋਂ ਤੱਕ ਇਨਸਾਫ਼ ਲਈ ਉਹ ਸੜਕਾਂ ਤੇ ਚੀਕੇਗਾ |
ਰਹਿਣੀ ਕੋਠਿਆਂ 'ਤੇ ਵਿਕਦੀ ਮਨੁੱਖਤਾ ਕਦੋਂ ਤੱਕ ,
ਕਦੋਂ ਤੱਕ ਸਮਝ ਬਿਗਾਨੀ ਬੰਦਾ ਜ਼ਿੰਦਗੀ ਘਸੀਟੇਗਾ |
ਪੈਣਾ ਸੋਹਣੀਆਂ ਨੂੰ ਤਰਨਾ ਕੱਚਿਆਂ 'ਤੇ ਕਦੋਂ ਤੱਕ ,
ਕਦੋਂ ਤੱਕ ਝਨਾਂ ਪਾਰ ਮਹੀਵਾਲ ਯਾਰ ਨੂੰ ਉਡੀਕੇਗਾ |
ਰਹਿਣਾ ਰੰਗ ਘੁਲਦਾ ਹਵਾ ਦੇ ਵਿੱਚ ਖਾਕੀ ਕਦੋਂ ਤੱਕ ,
ਕਦੋਂ ਤੱਕ ਧਰਤੀ ਦੀ ਖੰਜਰ ਇਹ ਛਾਤੀ ਝਰੀਟੇਗਾ |
ਚੰਨ ਤਾਰਿਆਂ ਦੇ ਉੱਤੇ ਅੱਗ ਬਰਸੇਗੀ ਕਦੋਂ ਤੱਕ ,
ਕਦੋਂ ਤੱਕ ਤੋਪਾਂ 'ਚ ਲੁਕ ਨ੍ਹੇਰਾ ਸਾਜਿਸ਼ਾਂ ਉਲੀਕੇਗਾ |
No comments:
Post a Comment