(ਗ਼ਮ ਨਹੀਂ ਮੁਝਕੋ ਕਿ ਬਦਲ ਰਹਾ ਹੈ ਜ਼ਮਾਨਾ,
ਮੇਰੀ ਜ਼ਿੰਦਗੀ ਹੈ ਤੁਝਸੇ, ਕਹੀਂ ਤੁਮ ਬਦਲ ਨਾ ਜਾਨਾ..)

ਗ਼ਮ ਨਹੀਂ ਮੈਨੂੰ

ਕਿ ਬਦਲ ਰਿਹਾ ਹੈ ਜ਼ਮਾਨਾ

ਹਾਂ ਲੱਗੀ ਰਹਿੰਦੀ ਏ

ਇੱਕ ਫ਼ਿਕਰ

ਜ਼ਮਾਨਾ ਬਦਲਣ ਲਈ

ਮੈਂ ਵੀ ਕੁਝ ਕਰ ਰਿਹਾ ਹਾਂ ਜਾਂ ਨਹੀਂ

ਤੇ ਫ਼ਿਕਰ ਰਹਿੰਦੀ ਤੇਰੀ ਵੀ

ਕਿ ਤੂੰ ਵੀ ਕੁਝ ਬਦਲਿਆ ਹੈਂ ਜਾਂ ਨਹੀਂ

ਕਿਉਂਕਿ

ਬਦਲਦੇ ਨਹੀਂ ਤਾਂ

ਬੁੱਤ ਜਾਂ ਮੁਰਦਾ ਲੋਕ

[ਜਾਂ ਸ਼ਾਇਦ ਇਹ ਵੀ
ਬਦਲ ਜਾਂਦੇ ਹਨ
ਖ਼ਰ ਜਾਂਦੇ ਹਨ
ਗਲ਼ ਜਾਂਦੇ ਹਨ

ਬਦਬੂ ਮਾਰਨ ਲਗਦੇ ਹਨ]

ਤੇ ਇਹਨਾਂ ਦੋਵਾਂ ਨੂੰ
ਮੈਂ ਕਦੇ ਵੀ ਪਿਆਰ ਨਹੀਂ ਕਰ ਸਕਦਾ....