ਯਾਦ

ਅਸੀਂ-ਤੁਸੀਂ ਭੁੱਲ ਜਾਂਦੇ ਹਾਂ

ਪਰ ਦੀਵਾਰਾਂ ਯਾਦ ਰੱਖਦੀਆਂ ਹਨ

ਮਿੱਟੀ ਵੀ, ਰੁੱਖ ਵੀ

ਤੇ ਆਸਮਾਨ ਵੀ

ਅਤੇ ਲੋਕ ਵੀ

ਆਪਣੀ ਓਟ ਉਹਲੇ ਹੋਏ

ਕਤਲ, 
ਕਤਲ 

ਜੋ ਕੀਤੇ ਗਏ| 
ਜੋ ਕੀਤੇ ਗਏ

ਬਲਾਤਕਾਰ, 
ਬਲਾਤਕਾਰ

ਜਿਹਨਾਂ ਰੂਹਾਂ ਨਾਲ ਹੋਏ

ਉਹ ਚੇਹਰਿਆਂ ਦੀ ਪਹਿਚਾਣ ਚਾਹੇ ਭੁੱਲ ਜਾਣ

ਪਰ ਜੁਰਮ ਯਾਦ ਰੱਖਦੇ ਹਨ

ਅਸੀਂ ਹਾਂ ਕਿ

ਜੁਰਮ ਭੁੱਲ ਜਾਂਦੇ ਹਾਂ

ਬੱਸ ਚੇਹਰੇ ਯਾਦ ਰੱਖਦੇ ਹਾਂ....

ਕਵਿਤਾ ਨਹੀਂ

ਲਗਾਤਾਰ ਤਿੰਨ ਸ਼ਿਫਟਾਂ
ਛੱਤੀ ਘੰਟਿਆਂ ਦੀ ਡਿਊਟੀ
ਉਨੀਂਦਰਾ ਰਾਮਸ਼ਰਨ
ਸਾਈਕਲ ਠੇਲਦੇ ਨੂੰ
ਨੀਂਦ ਦਾ ਟੂਲਾ ਆਇਆ
ਫਿਰ ਨੀਂਦ ਨਾ ਖੁੱਲ੍ਹੀ 
ਸਾਈਕਲ ਡਿੱਗਾ 
ਸੜਕ 'ਤੇ ਪਏ ਇੱਕ ਪੱਥਰ ਉੱਤੇ
ਰਾਮਸ਼ਰਨ ਦਾ ਸਿਰ 
ਬੇਜਾਨ ਪਿਆ ਸੀ...